標題:
用鹽妙方
[打印本頁]
作者:
肥肥
時間:
12-3-2016 16:12
標題:
用鹽妙方
鹽，係每個屋企必備的調味品，但係唔好睇小佢哋，因為除咗煮嘢食之外，鹽仲有好多功能，包你估唔到！
料理幫手
殼易剝：烚蛋時加2茶匙鹽，有助蛋白質收緊。因為鹽水沸點比水高，水溫較高令蛋白收縮較快，方便剝殼。
豆腐唔爛：豆腐煎煮前先放淡鹽水中浸泡半小時，令豆腐質地變紮實，煮時就冇咁易爛。
減少苦澀：帶有苦澀味的蔬菜，切好後加鹽抓醃，鹽變透明後，倒咗出水的汁液，減少苦澀味。
加速解凍：將凍肉放喺淡鹽水中，加快解凍速度，並令肉類表面蛋白質緊實，鎖住肉汁。
家事達人
減少油漬：將鹽灑喺瓦斯爐周圍凹槽內，可避免湯汁或油沾染而焦化，清潔時變得更輕鬆。
排水孔除臭：鹽有殺菌功效，將鹽水倒入水槽排水口，減少異味。
衣物定色：新買的彩色棉麻衣物，初次洗滌時可先浸鹽水20分鐘，有定色效果，保持顏色鮮艷。
擦拭金屬：用加咗鹽的檸檬汁或醋洗刷金屬器具，可以除垢去鏽，恢復金屬光澤。
其他妙用
銀飾除黑：水中加大量鹽加熱後放錫紙，再放氧化發黑的銀飾，鋁離子活性較強會取代氧化物中的銀，將銀還原。
咖啡去苦：想飲齋啡減肥或排水腫，但係又嫌太苦，可加鹽緩和苦味。
保健牙齦：淡鹽水可以改善失眠或熱氣而引起的牙齦腫痛、出血，及牙周病出血引起的輕微癥狀。
除眼水腫：用化妝棉沾鹽水敷眼可以消眼部浮腫，因鹽滲透壓高能夠迫出水分。
作者:
蛙哈媽
時間:
20-3-2016 12:57
又學到常識,真的吾該晒
歡迎光臨 笨笨網站超級論壇 (http://www.bunbunhk.com/BBS/Discuz/)
Powered by Discuz! 6.0.0
.gif)