#1 坐長途機的10件事 - 肥肥 (Super Moderator) 發表於 28-10-2016 23:10
於4萬尺高空飛行十幾個鐘，令人既期待又緊張，點先可以飛得舒舒服服？以下10件事你要知：1.【座位】除非對窗邊位情有獨鍾，否則走廊位更方便出入及伸展手腳。重點：記得揀遠離洗手間的座位。
2.【衣著】別只顧機場fashion，記住「舒適第一」，忌超緊身衣物，包括內衣、鞋襪。
3.【睡眠】頸枕、眼罩、耳塞或隔音耳機，可以提高睡眠質素。
4.【食物】高空令腸胃消化較弱，容易食滯不適，所以不宜食太飽，建議少食多餐（可以自己帶果仁、餅乾等零食）。
5.【水份】機艙乾燥，不要怕去洗手間而忍口，記得飲水、飲水、飲水！（所以話走廊位出入較方便）
6.【保濕】肌膚一樣要飲水，lotion、hand cream、潤唇膏，缺一不可。
7.【化妝】最好素顏上機，若怕被眼望望，可以戴太陽眼鏡或口罩，待落機前1小時再上妝。
8.【運動】適當時候走動一下，在座位亦不妨多鬆鬆手腳，改善血液循環。
9.【解悶】看書、睇戲、煲劇、聽歌、chit chat，盡量令長途機變成happy hour。
10.【充電】如果不肯定座位有無充電設備，記得自備俗稱「尿袋」的外置充電池。