#1 【飲茶睇穿你同事 ... - 肥肥 (Super Moderator) 發表於 28-3-2016 13:30
新人初嚟報到、Farewell老死同事、嘍囉慶功自high，打工仔一年365日總有幾日因為某些事而要一字排開飲茶去。正所謂一樣米養百樣人，每人性格有差異呀水都知，但原來飲茶都會遇上各種同事︰1/「Yes Man」/ 好好先生
「飲咩茶好？」「你決定啦！」「你想食咩？」「無所謂呀…」每次出去飲茶食飯都總有一個飲咩食咩都無意見人士。同場亦會化身成好好先生，特徵係唔係好出聲，但會留意你杯茶飲晒未，之後再無限幫你斟茶，唔知以為多咗個Waiter。
2/ 大胃王
「狂風掃落葉」已不足以形客這種同事，重點係每次大部分同事都已經停晒手，但總會有個人作戰到最後一刻。大家會同意「不浪費食物」原則，但首先要「源頭減廢」，最好避免讓這種同事手持「點心紙」。
3/ 潔癖無極限
飲茶前洗碗筷是習慣。「唔該，畀對公筷我。」使用公筷亦是飲茶的禮貌之一，但如果每個點心都要一對公筷，每次食完都要用濕紙巾清潔餐具，都咪話唔誇張。
4/ 口水多過茶
相信大家都會明白在博大精深的飲食文化中，「飲茶」唔係齋飲茶，「食飯」都唔係齋食飯，有關的飲食活動會無限延伸至談天說地。利用Lunch時間與其他同事聯誼是好事，但成餐飯得佢講無人講就太Over了。
5/ 冒險王
正常的蝦餃燒賣已不能滿足此類人，「不如試吓茄汁鳳爪，又或者水煮春卷丫！」奉勸腸胃敏感的同事遇上此類人要加倍小心。（其實正常人都會怕怕，心中難免講返句︰食餐晏仔啫，唔洗搵命搏嘅……）
6/ 精算師
「總數幾錢呀？」「加一又點計？」「要除開幾多份？」一班同事食飯其中一個難題就係埋單時好似七國咁亂。此時此刻總有人會計部上身，同大家計好度好兼找埋錢，飲茶從此無後顧之憂。
.gif)