#1 氣溫急降 寵物保 ... - 肥肥 (Super Moderator) 發表於 12-3-2016 19:39
天氣持續忽冷忽熱，除咗我哋要做好禦寒措施，亦唔可以忘記為寵物保暖。同大家分享下有咩要注意啦。
基本原則：
1.避免使用火爐或煤油爐等為寵物保暖，除咗會消耗氧氣外，亦有可能產生一氧化碳，危害寵物健康。暖包發熱時同樣會消耗氧氣，要避免於密閉的飼育容器內使用。
2.使用電暖爐等保溫工具應避免讓寵物直接碰觸，以免燙傷或啃咬。
3.會冬眠的寵物須特別留意，建議盡量唔好俾寵物冬眠，以免冬眠時死亡。
狗狗：
基本上室內飼養的狗唔需要特別保暖，但幼犬及老犬因體質關係，建議要用保溫裝置協助保暖，電毯係一個唔錯的選擇。如果係室外飼養的狗最好就批准暫時入屋。
貓咪：
同狗狗一樣，只要室內人類覺得舒適的溫度，貓貓都能接受，而幼貓及老貓同樣須加倍注意。
兔仔：
兔仔比較害怕高熱的環境，因為兔仔主要靠耳朵散熱。幼兔、老兔及正在懷孕的母兔要注意保暖。建議可以喺籠外選用保溫燈定點加熱，或用毛毯覆蓋籠子，達致保暖效果。
鸚鵡：
鸚鵡體溫較高，當氣溫低於10度，好容易出現失溫情況。中小型鸚鵡、雛鳥及老鳥可以喺氣溫跌至10度前給予保溫燈協助保暖。飼主可以觀察鸚鵡情況嚟決定係咪要提供保溫工具，當鸚鵡一直出現澎毛、不停打噴嚏、沒精打采，就應該提供保溫工具。
倉鼠：
當氣溫一低於10度，倉鼠好容易就進入冬眠狀態。由於營養與環境都唔適合倉鼠冬眠，容易造成倉鼠於冬眠時候死亡，因此冬季時一定要增加墊料厚度，並提供保溫工具，於籠外蓋上毛毯，讓溫度保持喺20至26度。
爬蟲類：
爬蟲類屬於變溫動物，氣溫降低就容易進入冬眠狀態，因此需要提高飼養環境的整體室溫，必要時可用紅外線保溫燈或葉片式電暖器提高溫度。