家居清潔
天然家居清潔物料包括: 白米醋, 食用小蘇打(baking soda), 檸檬汁, 檸檬酸, 硼砂, 鹽
希望有同我想法一樣既朋友, 大家一齊分享天然環保家居清潔既方法.
雪櫃/廚櫃/鞋櫃吸味劑
用鹽樽裝住食用小蘇打粉放雪櫃, 就可以吸走異味, 約三個月換一樽. 用過既小蘇打粉可以再用來清潔.
懶人既做法係, 需要時就找出來清潔, 用完再添.
清洗浴簾
檸檬酸(一湯匙)/白米醋(2湯匙), 開一盆水浸浴簾2個鐘, 用手好似洗毛巾咁捽下佢, 就可以洗乾淨d滑潺潺.
清洗浴巾
用得耐, 浴巾洗極都係感覺到滑潺潺, 其實係皮膚油脂及洗衣粉殘留. 用一大湯匙"食用小蘇打粉"(baking soda)+半匙檸檬酸/白米醋開水浸洗.
